Fleiri vísur fyrir svefninn.

Bindum fjötur Bankagaur

býsna oft á veiðum,

rænir glaður annars aur

oft á dimmum leiðum.

 

Hans er staðan varla veik

víða tekur spretti,

kvikan nefni Kúluleik

kunni ýmsa pretti.

 

Allt er bruðlið upp á gátt

innan landsins skerja,

Hagagægir hefur átt

hagsmuni að verja.

 

Geyma flokkar gamlan streng

greini furðu stundin,

Erfðakvóti eflir feng

orft í braski fundin.

[Sveinn Sigurjónsson Galtalæk ll]

Það er ljótt að bendla jólasveina við suma sveina, þó í vísum sé.

Aldnir sveinar erum við

ansi baldnir forðum,

héldum lengi sama sið

sagt í fáum orðum.

 

Á það benda aðeins vil

allar kenndir spilltar,

ýmsa hrekki áttum til

engir þokkapiltar.

 

Fórum við um foldarbyggð

fundum minni bökin,

enga virðum annars dyggð

eflum fantatökin.

 

Valdasleikir fyrstur fór

finnur ýmsar leiðir,

annar nefnist yfirklór

einagt flækjur greiðir.

[Sveinn Sigurjónsson Galtalæk ll]