Auðvitað á að gera stórskipahöfn í Þorlákshöfn

Það hljóta allir sem vilja sjá það að það er lang skynsamlegast að gera stóskipahöfn í Þorlákshöfn.

Í fyrsta lagi þá á ekki að segja "frekar en" t.d. Bakkafjara eða eitthvað annað, ef að það er mat manna að Bakkafjöruhöfn sé skynsamlegur kostur þá hljóta menn að skoða það.

Í öðru lagi þá er lega Þorlákshafnar landafræðilega séð þannig að það styttir siglingar sem nemur fyrir Reykjanes og inn í botn Faxaflóa sem að þíðir töluverðann sparnað og minni mengun.

Í þriðja lagi þá er það líka sparnaður í landflutningum því að bílar sem fara austur á firði fara bara beint þangað, bílar sem fara vestur á vesturland fara um þrengslaveg (sem verður tvöfaldaður) og svo beint yfir á Kjalarnes um nýjann stuttann veg framhjá umferðinni sem óneytanlega á bara eftir að vaxa á höfuðborgarsvæðinu og svo þeir bílar sem fara norður fara um væntannlegann veg um Kjöl.

Í fjórða lagi þá er ennþá nóg svæði í kringum Þorlákshöfn fyrir gámaplön og útflutningsfyrirtæki.

Í fimmta lagi þá losnar um mjög svo dýrmætt byggingasvæði við botn Faxaflóa og á komandi misserum þéttist byggð á milli höfuðborgarsvæðisins og Suðurlands um Hafnarfjörð, Grindavík og Þorlákshöfn svo að það segir sig sjálft að það er ekkert skynsamlegra í framtíðaráætlunum um innflutningshöfn en að gera hana í Þorlákshöfn.

Vilja stórskipahöfn í Þorlákshöfn