Hefði Keflavíkurvallarsvæðið ekki átt að fara undir Heilbrigðisráðuneytið.

           Mér fannst félagsmálaráðherra, heilbrigðisráðherra og fjármálaráðherra síðustu ríkisstjórnar standa sig afar ílla varðandi öryrkja, ellilífeyrisþega og annara bótaþega yfirleitt og er heldur ekki að skilja þau sem eru í þessum embættum í dag.

   Ég hefði tekið Keflavíkurflugvallarsvæðið undir ÞESSA þjóðfélagshópa það er svo ótal margt sem mælir með því.

Í fyrsta lagi: Svæðið er vel girt og með hliðum með aðstöðu  fyrir verði.

Í öðru lagi: Þar eru íbúðir svo margar að ef að við setjum, eins og eðlilegt þykir, tvo til þrjá einstaklinga í herbergi þá er hægt að tæma öll elliheimili landsins og öll langlegupláss spítalanna.

Í þriðja lagi: þá er þetta frísvæði og þannig hægt að hafa allt starfsfólkið óskráð og þá á nánasartaxtanum án nokkura afskipta verkalýðsfélaga.

Í fjórða lagi: þá er ekki 220v rafmagn til að nota tölvur og sjónvarp og þannig þarf ekki að greiða nein afnotagjöld niður.

Í fimmta lagi: Þá er nóg að hafa einn síma miðsvæðis þannig er bæði hægt að koma í veg fyrir niðurgreidd afnotagjöld og misnotkun á símaleiðum eins og að panta lyf sem er svo aftur leið til að koma í veg fyrir að þurfa að niðugreiða þau.

Í sjötta lagi: Þá er þarna er smíðaverkstæði og þannig hægt að láta notendur sjálfa smíða kistuna.

Í sjöunda lagi: Þá þarf ÞETTA fólk ekki að eiga bíl sem leiðir svo aftur til þess að niðurgreiðslur til þeirra í formi bílastyrkja og bensínstyrkja falla alveg niður.

Í áttunda lagi: Með allt liðið á sama stað þarf ekki nema einn svona bíl fyrir ÞETTA fólk æi hvað eru þessir bílar aftur kallaðir, fatlaðravagnar eða eitthvað svoleiðis.

Í níunda lagi: Þarna er sjúkrahús svo að vegna stöðu staðarinns er nebblega líka hægt að hafa óskráða lækna á hálfum taxta, enn þeim þætti hann sver.

Í tíunda lagi: Þá væri ÞETTA fólk ekkert að bögga mig í umferðinni, í biðröðum á t.d. læknastofum og í verslunum og ekki síst í fjölmiðlum sívælandi yfir því hvað það hefur það skítt, það er bara nóg annað skemmtilegra á að horfa í sjónvarpinu eins og t.d. blóð í útlöndum og efnhagsmálin, bara eitt dæmi um truflun: snemma í vor já eða eiginlega seint í vetur fékk ég pata af því að Pjetur nágranni minn væri kominn á nýjann bíl og eitthvað var smiður að vinna hjá honum og óttaðist ég að hann væri að láta skipta um útihurð í ofanálag, ég hef nebblega verið með þá flottustu í götunni ennþá, svo ég læddist til að kíkja, koma þá ekki hjónin á 14 og fara að spjalla og hvert var svo málefnið jú hvað lyf væru dýr og hvað lífeyrisþegar hefðu það skítt og þar með fór njósnaferð mín í súginn, hvað kom mér þessi andskotans væll við.

    Svo kæru ráðherrar þið hljótið að sjá hve gríðarlega mikilvægt þetta svæði er, bara núna til dæmis er eitt dæmi í gangi það er múgæsing í gangi útaf einhverri kjeddlingu sem var að væla yfir hvað hún ætti bágt eitthvað krabbi eða eitthvað í lungum, ég meina hún á auðvitað lausaleikskrakka og er eins og fífl að reyna að kaupa íbúð, sko ef þetta svæði hefði verið notað skynsamlega þá hefði hún alls ekki getað komið því á framfæri við lýðinn, þið hljótið að sjá hvað þessi múgæsingur á eftir að kosta.

Svo kommonn Jóka, Gulli og Árni geriði nú eitthvað íussu.