Högni Sigurjónsson

2.10.2007 | 00:12

Er að velta ferjunni frægu fyrir mér eins og fleiri.

Mér finnst eins og menn hræri endalaust í froðunni sem angar nú alveg nóg, hefur einhver treyst sér dýpra?

Hefur einhver farið ofan í það hvort að þessi 923.000 pund sem greidd voru fyrir ferjuna hafi skilað sér öll til seljanda og eða hvort einhver hafi fengið greiðslu frá seljanda fyrir að liðka fyrir sölunni, jafnvel inná erlendann reikning?

Hefur einhver gáð að því hvort vélsmiðjan sem hefur unnið verkið, eða einhver annar sem hag gæti hafa haft af, hafi með einhverju móti haft áhrif á ráðherra eða einhvern í stjórnsýslunni annann til að kaupa ferjuna og koma með hana í Hafnarfjörð?

Hver verður svo eftirfylgnin, Matthísen sagði alveg blákaldur að það væri í lagi og ekki bara það heldur oft verið gert, að færa peninga á milli verkefna svo kom í ljós að það mátti bara alls ekki og ekkert sem bendir til að það hafi verið stundað.

Bjarni Harðarson þingmaður, sem situr í fjárlaganefnd, vildi fá rök fyrir því að þetta mætti og að þetta hafi oft verið gert: Það er vitaskuld góðra gjalda vert að yfirfara vinnulag í þessum efnum en breytir þó engu um það að í þessu tiltekna máli var farið á svig við reglur, hefðir og venjur. Fullyrðingar um að sambærileg mál séu fjölmörg eða að brotið sé léttvægt eru ekki rökstuddar. (Bjarni Harðarson 20.9.2007). Enn ekki þótti ástæða til að ganga eftir því við ráðherra að fá þessi rök og ekki verður einn eða neinn látinn bera ábyrgð þarna frekar enn fyrri daginn hjá ráðamönnum nema ef vera skyldi að skipt yrði um skúringakonuna til að gera einhverjar breytingar. Er í lagi að ráðherra bulli svona og snúi út úr, eða á að flokka þetta undir það að ráðherra hafi vísvitandi verið að ljúga og þá til að verja hvern, eða á að flokka þetta undir það að ráðherra hafi ekki meira vit enn þetta á þeim lögum, reglum og hefðum sem hann er að vinna við, eða þá hinn, fyrrverandi samgöngumálaráðherrann, sem hagar sé allt í einu eins og ráðmenn í “útlöndum” gera þegar þeir hafa gert eitthvað af sér og reynir að fela sig á bak við það að hann sé forseti alþingis og þar með sé hann algerlega friðhelgur.Er furða að virðing almennings sé hraðminnkandi fyrir Alþingi og alþingismönnum.

Flokkur: Bloggar | Facebook