Skárri orðinn,

Jæja þetta var svo ekki nema einhver smá umgangspest og ég sossum hristi hana nú af mér eins og hvert annað hundsbit. Ekki ætla ég að auka kaffidrykkjuna og eða fara að reykja sem meðal annars hefur verið íjað að við mig til að auka hreysti mitt, fyrir utan að ja þó ekki væri nú nema að ganga svolítið þá held ég nú bara að þessi sigur minn á þessari hrikalegu umgangspest sé bara mér sjálfum að þakka, ég get ekki annað en talið mig sigurvegarann, hér steinnlá ég semsagt ósjálfbjarga enn þetta hristi ég af mér eins og ekkert væri reif mig upp á endann og framm í stofu, ekki það að ég hafi þurft að hvíla mig nei nei bara að taka fjögur fréttirnar og svo áfram og bara út að vinna og er sum sé kominn á lappirnar. Þannig að Halldór og fleiri sem fóru með fötin í hreinsun geta bara annaðhvort látið þau hrein upp í skáp eða óhreinkað þau að nýju til að geta farið með þau í hreinsun við næsta tækifæri, en það er yfirleitt hluti af undirbúningi hvort heldur farið er við jarðarför eða í brúðkaup að byrja á að fara meða fötin í hreinsun ja eða eiga það eftir undir það síðasta - allavega hluti af stemmingunni.

Athugasemdir

[Ásdís Sigurðardóttir, 25.10.2007 kl. 23:42]

Eins gott að það kom lífsmark. Ég hugsaði þegar ég kíkti inn áðan hjá þér að nú væri þetta bara orðin ímyndunarveiki í þér, en þér tókst að dröslast á lappir, reyndar eigið þið karlmenn alltaf voða bágt þegar þið veikist. Minn allavega þarf rosalega mikið dekur, já og sorrý það var ekki meiningin að hafa stafina svona feita, en fyrst það gerðist þá bara það.  Hafðu það gott kallinn minn

[Marta B Helgadóttir, 26.10.2007 kl. 00:08]

Jæja gott að þú ert klæddur og kominn á ról.

Maður getur þá bara óhreinkað sparifötin í jólahlaðborðunum í staðinn. Þarf að mæta í þrjú svoleiðis, og allt í nóvember  - vegna vinnunnar  Er það ekki týðist, maður fer ekkert út að borða í mrga mánuði og svo allt í einu  þrisvar í sama mánuðinum

[Halldór Egill Guðnason, 26.10.2007 kl. 08:43]

Velkominn á fætur Högni. Vonandi að þessi pestarfjandi verði sá eini sem hrjái þig þennan veturinn.  Annars þurfti ég hvort eð er að fara með sparifötin í hreinsun, alveg óháð batahorfunum hjá þér. Stórafmæli og aðrir mannfagnaðir sem krefjast betri fatanna. Sennilega þarf maður svo að fara að eiga tvenn til skiptanna þegar þetta hlaðborðakjaftæði og jólarugl fer allt á fulla ferð. Fæ nú bara hálgerða flensu, bara við að hugsa um það. 

[Högni Jóhann Sigurjónsson, 26.10.2007 kl. 18:20]

Ásdís ég var alveg felllega veikur get ég sagtðér

[Högni Jóhann Sigurjónsson, 26.10.2007 kl. 18:27]

Jú Marta þetta er typiskt við erum meira og minna á KFC Ammmrikanstæl og hvað þetta heitir allt og svo allt í einu út að borða og það í sparifötum og það svo oft að vömbin snýr öfugt á aðfangadag.

Það léttir yfir mér Halldór að þú þurftir ekki bara að fara með fötin mín vegna, heppilegt hvað nærri jólum er komið og já þessi hlaðborð og það sem þeim fylgir, ég skil reyndar ekki hvað maður er duglegur að mæta í þau því að bæði er maður, eins og fleiri, haldin sparifatafælni og alltaf með fjandans hausverk daginn eftir

[Marta B Helgadóttir, 28.10.2007 kl. 20:44]

Jæja nú þarf að lesa nýjasta nýtt á minni síðu.