Afhverju ekki bara 1+1

Umferð og umferðarmannvirki hafa verið mér mjög hugleikin og ekki síður ökukennsla, ég hef verið mikill áhugamaður um tvöföldun Suðurlandsvegar og hrökk í einhvert ástand sem kallaði á viðbröggð af minni hálfu, ég veit ekki afhverju, þegar ég las í Dagskránni 10. jan.sl.viðtal við fullorðinn mann í Þorlákshöfn sem taldi því allt til foráttu að Suðurlandsvegur verði tvöfaldaður.

Ég velti fyrir mér, heldur fólk að Hvergerðingar, Selfyssingar og Þorlákshafnarbúar séu þeir einu sem nota Suðurlandsveg ?

Hvað um það ég ætla að hafa þennan pistil hér líka en hann kom í Dagskránni í liðinni viku.

 

         Mér hefði aldrei dottið í hug að fullorðinn maður færi að tala á móti slíkum samgöngubótum sem tvöföldun Suðurlandsvegar verður, en svo kom í ljós að maðurinn er Þorlákshafnabúi og er að öfundast útí aðra Sunnlendinga í öngum sínum af ótta yfir því að Þrengslavegur verði þá hugsanlega í fjársvelti.

    Við sem höfum keyrt Suðurlandsveg lengur en frá 2002 vitum að umferðin hefur aukist verulega á undanförnum árum um hann og það sem meira er að hún hefur aukist verulega núna á síðustu misserum og kemur til með að aukast enn meira á komandi misserum, umferðin á milli Hveragerðis og Selfoss er orðin mun meiri núna en hóflegt þykir á erlendum mælikvörðum fyrir einbreiðan þjóðveg og mun meiri nú en við viljum hafa á vegi sem er svo mjór að víða þætti hann góður reiðhjólastígur, um þennann veg fara börnin okkar til og frá skóla og vinnu hvern einasta virkann dag og við foreldrarnir einnig.

   Góð bót var af mislægum vegamótum við Þrengslavegamót, en Vegagerð ríkissins réði ekki við að gera það mannvirki á besta stað né heldur á besta hátt, því þegar Suðurlandsvegur yrði tvöfaldaður yrði að byggja aðra brú og verða þá ein tvíbreið brú og önnur þríbreið, þetta er ekki mannvirki til þess að monta, hvorki sig né aðra af. Stóð kannski aldrei til hjá yfirmönnum Vegagerðarinnar að Suðurlandsvegur yrði tvöfaldaður, eru yfirmenn vegagerðarinnar svo staðnaðir að þeir sjá ekki fjölgun fólksins og eða þennan mikkla umferðarþunga sem eykst daglega.

   Talandi um sparnað og þess vegna ekki að byggja 2+2 veg þar sem umferðarþunginn vex veldivexti daglega, afhverju ekki að sýna rándýra nísku í verki og hafa veginn 1+1 með flottu víravirki á milli svo ekki verði framanáákeyrsla, afhverju þessir 2 þarna, dettur eingum af þeim mönnum í hug, sem vilja einhverra hluta vegna ekki sjá boðlegt mannvirki um Suðurland, að þær umferðatafir sem eru vegna 2+1 vegar kosta og eða hringtorgaaðdáendur hafa þeir aldrei velt fyrir sér hvað það kostar þegar allri þessari orku er fleigt við að hægja á og auka svo aftur hraðann eða mengunin við það eða dekkjaslit sem svo aftur kostar orku.

   Reykjanesbrautin er ekki öll tætt enda á milli, svo er búið að framkvæma þar mikið að það stórsér á tölu banaslysa á þeirri leið og þó er verkið ekki búið, auðvitað tekur tíma að framkvæma svo stórt verk, en það vitum við sem viljum vita það að það þarf ekki að taka langann tíma að ljúka undirbúnigsvinnu, ágætt væri ef Hvergerðingar væru ekki að draga lappirnar með umsögn til Vegagerðarinnar, því að sjálfsögðu á vegurinn að liggja neðar í Ölfusinu en núverandi vegur liggur og það þarf ekki öll þessi mislægu vegamót á kaflann milli Hveragerðis og Selfoss og við vitum það líka að efað menn vilja þá tekur ekki langann tíma að hanna veginn og bjóða hann út og setja svo á hann þau tímatakmörk að verkið verði unnið á ásættanlegum tíma.

   Vegagerðin mælti með 2+1, Vegagerðin er bara ekki í þeirri stöðu að taka um það ákvörðun og ef að við skattgreiðendur krefjumst þess að Suðurlandsvegur verði tvöfaldaður þá hefur Vegagerðin bara ekkert um það að segja og það eru nú ekki mörg mannvirki sem vegagerðin hefur hannað og unnið eða látið vinna sem eru þess eðlis að ástæða sé til að monta þá af. Að sjálfsögðu heldur Rögnvaldur Jónsson því ennþá fram að 2+1 hefði verið skynsamlegast því að hann er staðnaður í hugmyndafræði vegagerðar og hann er búinn að segja börnum sínum og barnabörnum að það sé eina rétta leiðin og verður því að halda áfram að láta bera á sér, vitandi það að okkur fjölgar hraðar en tölur vegagerðarinnar gera ráð fyrir.

   Það væri svo eftir öllu að menn færu að tefja framkvæmdir með því að fara að reikna út hvað það væri gáfulegt að gera göng undir svo eld og skjálftavirkt fjall sem Hengillssvæðið er allt, þó svo að Hellisheiði sé há þá eru Kambarnir ekki sérstakt vandamál.

   Ef allir hefðu þagað þá er hætt á að Suðurlandsvegur hefði orðið 2+1 og tvöföldun svo ekki orðið fyrr enn 2+1 væri svo sprunginn að bara við það eitt að leggja utan á þann hrylling, sem væri bara dýrt, yrðu nokkur alvarleg slys vegna þrengsla og fjölda bíla, sem yrði bara dýrt.

   Það er eitt sem við verðum að fara að átta okkur á, byggðin frá Borgarnesi og að Selfossi er að renna saman og því mjög mikilvægt að umrætt mannvirki verði lagt með framtíð í huga en ekki rándýra augnabliksnýsku.

   Ég vil svo að lokum skora á afturhaldsseggi að halda sig bara við göngutúrana sína, þeir eru hollir bæði líkama og sál.

Athugasemdir

[Ásdís Sigurðardóttir, 29.1.2008 kl. 21:50]

Takk fyrir þetta gamli minn.  sumir eru seinir að kveikja.

[Högni Jóhann Sigurjónsson, 30.1.2008 kl. 00:06]

Það var nú lítið, lambið mitt. Já en kveikja vonandi þó seint verði.

[Marta B Helgadóttir, 30.1.2008 kl. 23:35]

Það er ótrúlegt hvað byggðin vex hratt, út um allar jarðir hér á suðurlandi. Er okkur að fjölga svona hratt íslendingum eða er að fækka jafnhratt í öðrum landshlutum.

[Steingrímur Helgason, 31.1.2008 kl. 01:25]

Er þorandi að leggja til að 'suðurlandvegur' verði frekar tvöfaldaður, Þrengslaleiðina, & áfram til Stokkseyrarbakka en yfir eiginlega Hellisheiði ?

[Högni Jóhann Sigurjónsson, 31.1.2008 kl. 10:39]

Ég veit ekki hvort það er Marta, nema það sé hvort tveggja og svo það líka að við byggjum lárétt í staðinn fyrir að byggja meira uppí loft og nýta landið betur.

Jú Steingrímur það er alveg þorandi og af hverju ekki eða um gömmlu mjólkurleiðina sem er enn styttri, það er reyndar tvennt sem mælir ekkert endilega með því, annað er að það styttir leiðina ekki og að Þreingslin eru ekkert betri en heiðin, það eru aularnir á snjóruðningstækjunum sem eru að klikka aftur og aftur, þegar vegagerðin var sjálf með snjóruðningana voru snillingar á bílunum og það kom mjög sjaldan fyrir að þeir mistu tök á ástandinu, þessir eru að missa tökin aftur og aftur.

[Steingrímur Helgason, 31.1.2008 kl. 22:53]

Takk.

En ég set þá inn færslu um málið.