Er Vegagerð ríkisins starfi sínu vaxin?

Þjóðvegur 1 um Borgarfjörð er nýr á þeim kafla sem hann fór í sundur, hver hannaði þennan veg?

 Veturinn í vetur er ekkert óvenjulegur eða hafa aldrei áður verið leysingar í Borgarfirði?

Var ræsið ekki bara einfaldlega altof lítið = léleg hönnun.

Það er löngu kominn tími til að leggja Vegagerð ríkisins niður.

Athugasemdir

[Steingrímur Helgason, 20.2.2008 kl. 00:07]

Ætli maður geti nú ekki vottað það að hafa séð uppsveitir Borgarfjarðar á floti sem lítill pjakkur þannig að ekki var fyrsta flóðið í gær, hvað þá fyrradag.

Reyndar finnst mér þessi hönnun á nýja vegakaflanum þarna vera lítið til bóta nema á smá kafla & merkilegt að ekki sé búið enn að finna út að stysta leiðin á milli tveggja puntka er yfirleitt bein, hallalaus lína.

Verra er með að leggja niður Vegagerðina, þarf maður þá að moka sig sjálfur suður í framhaldinu, eða hringi ég bara í þig ef í mig leggst ferðahugur að vetri til?

[Högni Jóhann Sigurjónsson, 20.2.2008 kl. 00:23]

Þú mátt að sjálfsöggðu hringja í mig hvenær sem er

Enn nánst allir, ef ekki allir, snjóruðningar hafa verið boðnir út svo það er ekki vandamál.

Það er nóg að vera með skrifstofu í samgönguráðuneytinu og bjóða síðan öll verk út og þar með hönnun og eftirlit.

Ég tel að eftirliti hafi líka verið ábótavant þarna, því að hefði einhver vegaeftirlitsmaður verið á ferðinni, veðurspáin var ærið nóg tilefni, þá hefði mátt koma í veg fyrir þetta. Hann hefði reyndar þurft að geta hugsað

[Högni Jóhann Sigurjónsson, 20.2.2008 kl. 00:27]

Steingrímur, ég gleymdi að tala um svigbrautirnar, hvorki þessi vegur sem er nýlegur né norðuárdalur nyrðri sem er nýrri eru hannaðir af mönnum með auga fyrir vegum, þess vegna kvíði ég hönnun Suðurlandsvegar og tel reyndar að verkfræðingar Vegagerðarinnar séu vanhæfir til verksins vegna þess hvað þeir eru búnir að tjá sig mikið um þá framkvæmd.

[Ásdís Sigurðardóttir, 20.2.2008 kl. 16:20]

Vegurinn við Svignaskarð verður náttl. að vera í sviga.   held að menn gleymi stundum að hugsa til fortíðar þegar vegir eru byggðir upp, veður síðustu 10 ára eru ekki nóg reynsla.  Kveðja

[Högni Jóhann Sigurjónsson, 20.2.2008 kl. 16:58]

Sé þetta núna Ásdís, þegar þú nefnir það og svo ekki síður að fella vegina að landslaginu, svona upp og niður brekkur og niður í fjöru og upp til fjalla auðvitað og ofan í lautir og upp á hryggi. Nei eigum við ekki að láta fullorðið fólk hanna vegina.

[Steingrímur Helgason, 23.2.2008 kl. 00:36]

Var ég búinn að nefna þetta með beina hallalausa línu hérna áður ?

[Högni Jóhann Sigurjónsson, 23.2.2008 kl. 02:24]

Meinarðu línurnar hvítu sem maður veit aldrei hvort eru heilar eða brotnar eða hvort tveggja, eða línurnar tvær sem eru stundum samhliða en ekki alltaf svo maður veit ekki hvort maður er að keyra eftir tvöfaldri eða einfaldri línu eða hvort hún á að vera heil yfirleitt, hvað þá að maður viti hvoru meginn maður á að vera við hana þ.e. hvort að þetta er miðlína eða kanntlína.

Ég velti stundum fyrir mér hvort línumálarar meigi vera drukknir í vinnunni og eins hvort að veðurspáin sé notuð til að staðsetja umræddar línur.

Ég man það ekki Steingrímur.