Hvað er í gangi?

Kristján Möller segist hafa gefið Vegagerð Ríkisins  skipun um að tvöfalda Suðurlandsveg, það hafði Sturla líka sagt sem svo reyndist vera lýgi, en hvað gerist, Vegagerðin fer að eyða tíma og peningum í að vinna eina skýrslu enn um mismun 2+1 og 2+2.

Ég ætla ekki að fara enn einu sinni að þrátta um hvort sé "betra" eða hvort að 2+1 sé víða í heiminum eða hvort að hægt sé að leggja 2+1 "helmingi" lengra en 2+2.

Ég ætla aftur á móti að velta mér uppúr því hvort Kristján Möller er að ljúga þegar hann segist hafa lagt svo fyrir að vegagerðin skuli fara að vinna að tvöföldun Suðurlandsvegar eða hvort að vegagerðinni sé gjörsamlega fyrirmunað að fara að skipun Samgönguráðherra.

Þetta er farið að minna um of á Samfylkinguna sem ætlar okkur í ESB, hvað sem það kostar, eins er með vegagerðina hún ætlar að byggja 2+1 hvað sem það kostar.

Ég lofa því hér og nú að svo skal ekki verða, nema yfir mig verði urðað fyrst.

Umferðaröryggi og afköst aukast

Athugasemdir

[Óskar Helgi Helgason (IP-tala skráð) 3.3.2009 kl. 02:04]

Heill og sæll; Högni, og þökk fyrir innlitið, í gær !

Tröllaskaga baróninn; Kristján Möller er; viðlíka öðrum krötum, froðu snakkur að upplagi, enda væri hann ekki öðruvísi, gjaldgengur, þar innanborðs.

Með beztu kveðjum; að hálendismörkum /

Óskar Helgi Helgason