Jæja.........

Ég trúi nú þeim framsóknarmönnum núna, hver sem raunverulegur tilgangur ferðarinnar er.

Er ekki komið nóg, þetta á að heita að vera fullorðið fólk - yea right.

Nú er kominn tími til að forsetinn fari frá og að þar komi einstaklingur sem er ekki vanhæfur til verksins og setji á neyðarstjórn, þetta "fullorðna" fólk er bara ekki að standa sig nema gagnvart FLOKKNUM og á hundskast burtu af Alþingi - STRAX.

Jóhanna beitti sér gegn láninu

Ekki flókið mál.

Stjórnsýslan er mjög sýkt af bakteríu sem veldur ákveðinni blindu sem er kennd við siðferði. Ég er sammála að það á að stokka stjórnsýsluna algerlega upp og losa okkur við pólitískar ráðningar þar sem annarsstaðar.

Þarf að hreinsa til í kerfinu

Frábærir krakkar

Þetta glæsilegt framtak hjá krökkunum enda eiga þau flest mynd af Helga Hós í minningum sínum, þegar ég var að alast upp inní sundum þá voru oftar en ekki skylti á tröppunum hjá honum hangandi utan á til aflestrar fyrir þá sem áttu leið um, fréttir sáum við og myndir af honum í blöðum og svo sjónvarpi þar sem hann stóð sig eins og Maður við að koma sínum sjónarmiðum á framfæri sem einstaklingur, en á þeim tíma spáði maður nú ekki í þessu seinna fór hann að vera fastur punktur á horninu við gangbrautina þar sem íbúar Langholts og Vogahverfa fara um sum hver daglega og jafnvel oft á dag, ég hefði nú líklega bara gengið með krökkunum hefði ég verið í bænum til heiðurs og minningar um mann sem var virkilega samkvæmur sjálfum sér og fylginn sér.

Unglingar heiðra Helga Hóseasson

Ögmundur er Maður

Svona eiga menn að koma Fram, Ögmundur fær 10 hjá mér í dag.

Ögmundur segir af sér

Ég stal 7% sögunni hjá Ásdísi, með leyfi - held ég.

 

7%7%7%
Helgur maður var í viðræðum við Guð og sagði:
Guð, mig langar að vita hver munurinn er á himni og helvíti.

Við svo búið fór Guð með manninn að tvennum dyrum.

Hann opnaði aðra þeirra og hinn helgi maður leit inn.

Í miðju herbergisins var stórt hringlaga borð.

Á miðju borðsins var stór pottur með pottrétti sem ilmaði svo vel að
hinn helgi maður fékk vatn í munninn.

Fólkið sem sat við borðið var horað og veiklulegt.

Það leit út fyrir að vera að svelta í hel.

Fólkið hélt á skeiðum með löngu handfangi og hendur þeirra voru
bundnar við stólana en þó gátu þau veitt matinn upp úr pottinum með
skeiðinni.

En þar sem handföngin á skeiðunum voru lengri en hendur þeirra þá gátu
þau ekki komið matnum úr skeiðinni upp í sig.

Hinn helgi maður varð undrandi á þeirri eymd og þjáningu sem við honum
blasti.

Guð sagði, 'Þú hefur nú séð inn í helvíti.'

Síðan fóru þeir að næstu hurð og opnuðu hana.

Við blasti sama sjón og í fyrra herberginu.

Stórt hringlaga borð með stórum potti fullum af pottrétti sem einnig
varð til þess að hinn heilagi maður fékk vatn í munninn.

Fólkið hafði sama búnað, þ.e. skeiðar með löngu handfangi.. Munurinn
var hins vegar sá að þetta fólk var vel haldið, kátt,hresst og talaði
saman.

Þetta sagðist hinn helgi maður ekki skilja.

Þetta er einfalt, sagði Guð.

En þetta krefst eins hæfileika.

Eins og þú sérð þá hefur þetta fólk lært að mata hvert annað á meðan
að hinir gráðugu hugsa eingöngu um sjálfan sig.

Það er talið líklegt að 93% muni ekki deila þessum pósti. 
Ef að þú ert á meðal hinna 7% sem munu birta þennan póst þá
birtu hann undir nafninu "7%"

Ég er í 7% hlutanum.

Mundu að ég mun alltaf deila skeið minni með þér. 

,,Myndi stjórnarflokkarnir ekki meirihluta fyrir málinu þurfi að skoða breytta stöðu."

Enn og aftur hótar Jóhanna stjórnarslitum, þætti vænt um að hún stæði nú við það, en hvað um það ég skil ekki afhverju alþingi er að skiptast í meiri og minnihluta í svona mikilvægu máli, það kemur bara í ljós enn einu sinni að flokksapparötin eru okkur til vansa og miska, það er ekki nokkur vandi að leysa þetta mál, forseti vor átti að vera löngu búinn að taka þetta mál af alþingi og setja um það utanþingsstjórn skipaða fagmönnum, en alþingi á að taka upplýsta afstöðu til málsins eftir að hafa hlustað á upplýsingar þeirra fagmanna sem hafa heimsótt alþingismenn til skrafs og ráðagerða en ekki eftir því í hvaða flokki þeir tilheyra og þó fyr hefði verið.

Þarf niðurstöðu fyrir helgi

Losun ágengra hugsanna

Til að horfa Fram á veg er ágætt að vera ekki að þvælast með fortíðina mikið fyrir sér og gera hana bara upp og reyna svo að vera í núinu með Fram tíðar skotnu ívafi og þó svo að ekki margir lesi mín blogg þá ætla ég að losa mig við ákveðna fortíð hér, en frá því á landsfundi Borgarahreyfingarinnar hefur þetta málefni verið mér mjög hugleikið, ég varð nefnilega fyrir nettu áfalli vegna Framkomu nokkura félaga BH þar, sem eru svo ekki einu sinni búin að tæma dagskrá landsfundarins ennþá því að það er ekki enn búið að fara yfir reikninga og kjósa endurskoðendur en það er nú bara þeirra mál, hér ætla ég bara að tæma minn hug. 

Eftir Alþingiskosningarnar 25. apríl s.l. var Borgarahreyfingin með 4 þingmenn sem skildu framfylgja stefnu Borgarahreyfingarinnar, þetta afrek var margra manna verk og unnið á nokkrum vikum frá því að ákveðið var að fara í framboð og nú skyldi sko tekið til handanna og Alþingi breytt úr hefðum dauðans í mannlegt umhverfi og skyldi það tengt við þjóðina í eitt skipti fyrir öll og byrjuðu þingmennirnir á því að vera sýnilegir á meðan þingsetningarmessan stóð, en til þessa höfðu þeir þingmenn sem einhverra hluta vegna voru ekki við messu verið í felum inni í Alþingishúsinu og var orðið hefð, mörgum brá við þetta en "borgurum" þótti sem "nýju vendirnir" væru farnir að sópa og ekki á öðru von en að þau færu sem vélsópar um þingið á næstu dögum, enn því miður var þing ekki sett til þess að vera og gera þjóðinni gagn heldur var sett "sumarþing" til þess eins að vinna að tveimur málum og þó fyrst og fremst ESB aðildarviðræðum sem skyldi hvað sem tautaði og raulaði lagt fyrir þing í forgang Fram fyrir vanda heimilanna og fyrirtækjanna, hitt málið var svo Icesave sem svo sem alls ekkert stóð til að menn væru að skoða neitt heldur bara að samþykkja.   Fljótlega í umræðunum um aðildarviðræður við ESB kom í ljós að það átti að spyrða saman þessi mál og voru þrír þingmenn BH ekki tilbúin að vinna ESB málið á þeim forsendum, voru reyndar búin að gera því skóna að þau gætu hugsað sér að greiða því atkvæði að í aðildarviðræður yrði farið, en voru orðið á þeirri skoðun að þjóðin ætti að kjósa um það og svo ef af yrði um samninginn sjálfann, þetta endaði sum sé á því að þau greiddu atkvæði með þjóðaratkvæðagreiðslunum báðum þ.e. fyrir og eftir ESB samning og á móti ESB aðildarviðræðum eftir að í ljós hafði komið í fyrsta lagi þessi óásættannlega tenging Icesave við ESB aðildarviðræður og ekki síður að ríkisstjórnin var á móti því að þjóðin fengi að kjósa fyrir og eftir samning en ýjaði að því að þjóðin fengi að kjósa um samninginn, ég á nú eftir að sjá það því að hún var ekki tilbúin til að binda þá útkomu sem kæmi úr slíkum kosningum, þessi atkvæðagreiðsla fór fyrir brjóstið á nokkrum "borgurum" sem vildu ekki hlusta á útskýringar þingmannanna heldur fóru að sprikkla út í loftið með allskonar yfirlýsingar og voru stóryrt í garð þingmanna BH og fóru að tala um svikin loforð, en þó svo að ESB hafði eitthvað borið á góma í kosningabaráttunni og þau sem í framboði voru sagt að þau væru fylgjandi ESB aðildarviðræðum er alveg útilokað að skilja þau þannig að þau myndu greiða aðildarumsókn í ESB atkvæði sín hvað sem upp á kynni að koma og eða koma í ljós við undirbúningsvinnuna og reyndar var þegar farin að grafa um sig einhver óánægja nærð á öfund og frekju en nokkrir einstaklingar höfðu haldið að þingmenn gætu starfað á þingi með símann í höndunum og verið í stöðugu SMS sambandi um hvað væri verið að segja og hvað þau ættu svo að segja og ekki síður þá voru þessir sömu einstaklingar gjörsamlega orðnir hamslausir af einhverskonar minnimáttarkend yfir því að fá ekki SMS af nefndarfundum til að geta slegið um sig með úti í þjóðfélaginu, svo þarna var tækifæri að þeirra mati til að reyna að losna við þingmennina og koma varaþingmönnum að sem skyldu svo senda SMS um alla veröldina að ósk vina og vandamanna og ekki síður þá ætluðu þau að skiptast á að vera þingmenn sem er gjörsamlega óframkvæmanlegt..   Jæja, það má segja að þing hafi í raun og veru ekki verið þanneiginlega séð og ekki farið að reyna á stefnumál Borgarahreyfingarinnar, en samt eru nokkrir félagar BH búnir að vera að fara á límingunum vegna meintra svika þingmanna hreyfingarinnar og hrópað á torgum um svik við stefnu hreyfingarinnar og að þau séu ekki tilbúin að vinna með, sumir orða það þannig með hreyfingunni en aðrir segja með stjórn hreyfingarinnar, staðreyndin er sú að þáverandi stjórn fór út og suður í skoðunum og yfirlýsingum og datt í það soldið að reyna að láta lítið fara fyrir fundum, sjálfsagt í von um að geta nært hvert annað á óánægju og tuði í garð þinghópsinns sem virðist hafa "tekist ágætlega" því að stjórnin sprakk á limminu og hluti af henni gekk úr hreyfingunni og að mesu leyti með hávaða og yfirlýsingum mikklum.   Fyrsti landsfundur Borgarahreyfingarinnar er um garð genginn og voru þar samþykkt lög fyrir Borgarahreyfinguna sem svo verður unnið eftir í framtíðinni og þar var líka kosin stjórn, en það er svo skrýtið að á landsfund grasrótarhreyfingar sem er með kröfur persónukjör á stefnuskrá sinni að þarna kom hópur fólks ákveðið að bjóða fram 12 manna  lista til stjórnar og ekki síður skrítið að þetta er einmitt fólkið sem hefur verið gjörsamlega stefnulaust af gremju og hatri frá því eftir kosningar og hafa ekki með nokkru móti fengist til að hlusta á skýringar þinghópsinns vegna meintra svika í ESB atkvæðagreiðslunni heldur haldið áfram að öskra á torgum og brygsla þinghópinn um valdnýðslu, en þessir 12menningar hafa ekkert verið að tala um það sem þinghópnum hefur tekist að gera eins og til dæmis að kljúfa ESB umsóknina frá Icesave og þeim tókst að hægja á Icesave málinu og fá að skoða það gaumgæfilega og að fá að kalla til sín fagfólk til skrafs og ráðgjafar og þeim tókst að koma Fram athugasemdum í fyrirvaranna, það var þingmaður BH sem reyndi að vekja athyggli þingforseta og ríkisstjórnarinnar á því að vandamál heimilanna væru enn, ekki bara óleyst heldur með öllu órædd og í raun nóg að gera á þingi annað en að fara í frí.Umræddir 12menningar fara nú Fram með stefnuskrá sem er þess eðlis að þau stefna að því að gera grasrótarhreyfingu að ramm pólitískum flokki af fúlustu gerð með því að stjórnin skal ráða þessu og stjórnin skal ráða hinu og stjórn BH skal ráða hvernig félagar í hreyfingunni hugsa og hvað þingmenn BH segja og hverjir eiga að sofa með diktafón á náttborðinu hjá sér.   Í stjórn BH er nú fólk sem hefur í raun haldið um taumana leynt og ljóst frá því í vor, vor ? Já það eru nefnilega ekki nema nokkrar vikur liðnar frá kosningum og samt eiga þingmenn BH að vera búin að breyta heiminum og þau telja sig hafa fengið umboð til að stjórna BH í einu og öllu hafandi sýnt að þau geta ekki unnið saman undir álagi og geta í raun og veru ekki unnið sem hreyfing  sem og stefnuská hópsinns sýnir en þar eru atriði sem allavega ég er ekki sáttur við, mig langar í svo mikklu meiri breytingar en að ég vilji vinna í flokki að gamaldags eftirmynd.

Sumum hefðum breytum við núna, sumum hefðum breytum við smátt og smátt, sumum hefðum breytum við á mjög löngum tíma og enn öðrum hefðum breytum við bara alls ekki neytt.

Halló halló halló sko

Þið sem eruð ákveðnust í því að mogginn, mbl.is og moggabloggið breytist hratt í eitthvað hægri skrímsli og látið ykkur hverfa hratt héðan eruð duglegust við að gera það að raunveruleika, því að ef að enginn verður hér eftir nema hörðustu Davíðsmenn og örgustu hægri menn þá segir það sig sjálft að þið gerið mbl.is og moggabloggið að því "skrímsli" sem þið teljið að það verði.

„Fortíðin til framdráttar“

Það snjóaði í Hekluna

Hekla er bara sæmilega hvít eftir nóttina enda kólnaði hér í gær, ég á eftir að gá að því hvort þetta er snemt eða seint eða normal.

Ég er mjög ánægður með ákvörðun þinghópsinns, mjög ánægður.

Borgarahreyfingin breytir sér

Á landsfundi Borgaraheyfingarinnar sl. laugardag, tókum við undirrituð, þingmenn hreyfingarinnar, þá ákvörðun í framhaldi af samþykkt fundarins á nýjum lögum, að færa okkur um set. Það gerðum við að vel ígrunduðu máli og í anda þeirrar margradda hugmyndafræði sem hreyfingin sprettur úr; óbundin hvers kyns miðstýringu valds og stöðnuðu fundaformi feðraveldisins. Við fórum fram til að geta rætt við þá sem vildu, án þess að trufla aðra vinnu fundarins.

 

Við höfðum lagt fram tillögur að samþykktum fyrir hreyfinguna sem voru í anda uppruna hennar og tilgangs til mótvægis við aðrar tillögur að samþykktum sem umturna hreyfingunni, opna á það að gjörbreyta stefnuskránni og beinlínis gera aðild þingmanna að “flokknum” ólöglega. Tillögur okkar voru felldar án rökstuðnings.  All flestar tilraunir okkar baklands til breytinga við hinar nýju samþykktir voru einnig felldar.

 

Sá hópur sem nú hefur gert Borgarahreyfinguna að sinni, hefur vafalítið ástæður til að efast um störf okkar. Kannski misskildum við hlutverk okkar þegar við ákváðum að sinna stefnumálum Borgarahreyfingarinnar á þingi í stað þess að einbeita okkur að hugmyndafræði þessara sjálfskipuðu lykilmanna.

 

Er það hugsanlegt að það séu okkar alvarlegustu mistök að hafa tekið þingstörf fram yfir daglegt samneyti, samræðu og karp við þetta ágæta fólk, sem þoldi bersýnilega ekki við í tómarúminu eftir kosningaslaginn og einhenti sér, svona frekar en ekkert, í uppbyggilegt og stranglýðræðislegt niðurrif á störfum okkar þriggja, þess ógæfufólks hreyfingarinnar sem tekið hafði sæti (þeirra) á Alþingi. Allt er jú betra en aðgerðarleysið.

 

Við aðstæður sem þessar, þar sem svo herfilega rangt er gefið að sumra mati, skiptir undarlega litlu hvernig spilað er úr stokknum, niðurstaðan verður alltaf vitlaus. Og þess vegna verður allt vitlaust - hvenær sem tilefni gefst eða jafnvel án tilefna.

 

Þessi afstaða nýrra flokkseigenda, þar sem veruleikinn er jafn skakkur og raun ber vitni, elur iðulega af sér örvæntingarfullar tilraunir til “leiðréttingar”, líkt og dæmin sanna. Boðað var til tilefnislauss aukaaðalafundar í kjölfar kosninga svo hægt væri að kjósa rétt fólk í stjórn - úr því svona illa tókst til með þingsætin. Sú stjórn reyndist hins vegar haldin meiri sjálfseyðingarhvöt en svo að áður en varði hafði hún splundrað sjálfri sér með sjálfbærum hætti; þ.e.a.s. án nokkurrar utanaðkomandi aðstoðar.

 

Sú dapra reynsla kemur þó ekki í veg fyrir að þetta sama fólk hefur nú ákveðið að endurtaka leikinn; boðar til landsfundar með háskalega stuttum fyrirvara og raðar sér með postulegum hætti í enn eina stjórnina sem nú á að hafa þann starfa helstan að leiðrétta ákvarðanir þingmanna og nær 14.000 kjósenda. Og úr því menn voru byrjaðir munaði þá ekki um að breyta eðli og inntaki hreyfingarinnar og stefnuskránni í leiðinni. Þeirri stefnuskrá og þeirri hreyfingu sem kjósendur gáfu atkvæði sitt í vor.

 

Lýðræði er samræða um val, flokksræði er samráð um vald.

 

Við tökum undir með þeim lesendum sem telja vandséð hvernig okkur væri stætt á því að halda áfram einhvers konar samstarfi við títtnefndan hóp manna. Í krafti bloggsins blessaða og “umræðunnar” hafa of margir núverandi stjórnarmanna sært með orðum sínum, rofið trúnað og snúið sameiginlegum ákvörðunum á haus, til að geta talist trausts verðir. Í raun sýnt af sér meira ódrenglyndi og ábyrgðarleysi en vænta mætti frá svörnum pólitískum andstæðingi.

 

Kannski er það þetta sem gerist þegar menn fara að líta á sig sem væntanlega valdhafa í pólitísku valdabrölti fremur en hluta af skammlífri og þverpóltískri grasrótahreyfingu. Þegar þolinmæðina þrýtur gagnvart tímafrekri umræðu og hugmyndir um opna hreyfingu verða skyndilega “fullreyndar” og ekki á vetur setjandi.

 

Það stóð aldrei til að Borgarahreyfingin ílentist á Alþingi. Í því felst styrkur okkar ekki síst. Við lítum á það sem lýðræðisleg forréttindi að geta starfað á þingi án þess að binda hug okkar og hjarta við næstu kosningar. Geta fylgt sannfæringu okkar sem fulltrúar kjósenda, óháð sýndarárangri skoðanakannanna og atkvæðaveiðum.

 

Við höfum fram til þessa ekki svarað dylgjum og meiðingum stjórnarmanna Borgarahreyfingarinnar.  Þetta er okkar fyrsta og síðasta athugasemd af þessu tagi.

 

Við hlökkum til að sinna áfram þeim verkefnum sem kjósendur Borgarahreyfingarinnar fólu okkur og komu fram í stefnuskrá hreyfingarinnar fyrir kosningar. Samkvæmt þeirri stefnu munum við vinna hér eftir sem hingað til.

 

Birgitta Jónsdóttir

Margrét Tryggvadóttir

Þór Saari,

eru þingmenn.