Stangveiðin fer að byrja.

          Nú er að koma að stangveiðitímabilinu og þá kemur sá tími að menn fara yfir það bæði í huga sér og hver við annan hvernig síðasta tímabil gekk, en einnig er sá tími að verða liðinn að hægt er að ná sambandi við suma. 

     Það er nú þannig að sum ár veiðist vel en önnur verr og ekki er alltaf vitað fyrir víst hvað veldur. Við höfum síðustu ár séð minkandi hlutfall tveggja ára laxa, einnig höfum við orðið, með einum hætti eða öðrum, vör við hlýnandi veðurfar og þá um leið hækkandi hitastig sjávar og vatnasvæða, sem er vafalaust að hafa þar áhrif á, en einnig erum við mjög líklega að “kynbæta” fyrir seinni og seinni göngum, sumir eru farnir að tala um jólagöngur á komandi árum með sama áframhaldi, með því að klakfiskaveiðin fari svo til eingöngu fram eftir að veiðitímabil viðkomandi áar er lokið, sem þíðir að einn og einn vel leginn fiskur næst, en aðallega þeir fiskar sem gengu í seinna lagi. Ég hef reyndar aðra skoðunn í þeim efnum. Nú er það svo að við margar ár, þar sem ám og vötnum er hjálpað og veitt er í klak að höfð eru kör, eða svokallaðar kistur hafðar í vatninu eða einhver annar búnaður við vatn eða veiðihús, til að geyma lifandi fisk og veiðimenn gjarnann hvattir til að leggja til eina og eina hrygnu eða tvær og þeim þá gjarna boðin greiðsla fyrir í einhverju formi og allt er þetta gert í þágu vatnasvæðanna og jú ekki síst veiðimannanna sjálfra. En ílla hefur gengið að fá veiðimenn til að fara útí þesskonar viðskipti, auðvitað er það af ýmsum ástæðum og allar vel skiljanlegar og rétturinn allur þeirra meginn.

   En það sem ég vildi nú segja með öllum þessum formála er, að ég tel að það geti verið farið að skipta máli að það fáist líka snemmgengir klakfiskar og svo er líka að það geta komið ár þar sem heimtur eru einfaldlega lélegar annaðhvort í einni og einni á eða jafnvel á einhverjum landssvæðum, að ég ekki tali um að veðurs vegna verði ekki með góðu móti komist til þess að veiða klakfiska, því gæti komið sú tíð að uppistaða klakfiska væri frá veiðimönnunum fengin. Ég hvet veiðimenn til þess að huga að þessu, því að það er nú svo að það er í þágu áar og um leið veiðimannsinns að það takist vel til með öflun klakfiska og jú svo líka að klak og uppeldi seiða takist vel.

   Annað er mér hugleikið en það virðist vera að veiðimenn athugi ekki alveg alltaf hvort að þeir fiskar sem þeir hafa dregið á land séu hugsanlega merktir, annaðhvort er þeim alveg sama hvort að “einhver” sé að hafa fyrir því að vera að merkja fiskana, sem er jú kostnaðarsamt og er ekki síst gert fyrir veiðimanninn þegar upp er staðið, eða það sem ég vil frekar halda er að veiðimenn gleyma sér einfaldlega í hita leiks. En í veiðihúsum, þeirra áa sem fiskur hefur verið merktur í, eru upplýsingar um það hvernig megi sjá hvort að fiskur hafi verið merktur og hvað skal gera og hvernig.  Með merkingum eru veiðifélög og veiðirétthafar að sjá td. hvað mikið af fiski er að skila sér í ánna sína aftur eða hvort hann er að veiðast í öðrum ám, það er líka hægt að sjá aldur fisks og eins er hægt að sjá úr hvaða sleppitjörnum eru bestu heimturnar og þannig hægt sjá hvort aðrar sleppitjarnir þarfnist  lagfæringar eða flutninga ofl.ofl. Allt er þetta gert til að gera ána sem besta og veiðimanninum til hagsbóta, einnig veit ég fyrir víst að fyrirtækið Laxfiskar ehf. hefur verið að merkja fiska víða um land til ýmissa rannsókna, með aukinni þekkingu er vonandi hægt að auka laxveiði og helst að lengja veiðitímann, eða í það minnsta hægt að halda í horfinu, samtímis  hlýnandi sjó norður Atlandshafs sem er jú ekkert annað en umhverfisbreyting. Hvað mikil áhrif þessi umhverfisbreyting er að hafa á líf og ferðalög laxsins í sjó er ekki en vitað svo mikið, en merkingar þessar og aðrar rannsóknir eru til þess gerðar að með tímanum komi úr þeim upplýsingar  til gagns.

   Svo, það sem ég er að reyna að segja góðir veiðimenn, vera opnir fyrir hugsanlegum viðskiptum með lifandi hrygnur annarsvegar og svo hitt að vera vakandi varðandi merkingar þeirra fiska sem dregnir eru á land.

Þorrablót

Nú er tími þorrablóta þessa árs að líða og þá orðið óhætt að fara að velta upp spurningu sem hvílir á mörgum, en þannig er að hér í sveit var haft 18 ára aldurstakmark og þar sem ég er ekki alinn upp við að fara á þorrablót þá kom það mér á óvart því að ég hélt að foreldrar gætu og ættu að dæma hvert fyrir sig hvort krakkarnir þeirra færu með á þorrablót og þá við hvaða aldur yrði miðað á þeim bænum og síðann einnig þeirra sem kæmu með börnin sér að koma þeim aftur heim nú eða í pössun á sómasamlegum tíma, en tímarnir breytast og mennirnir með.

Ég hef svosem ákveðna skoðun á þessu og get sagt að á mínu heimili hefur þess verið gætt að tengslin séu alltaf sem best á milli okkar foreldranna og afkvæmanna svo það er ljóst að þegar mín börn voru á aldrinum ca. 14 til 18 þá hefði ég staðið í stríði og ekki farið á þorrablót ef ég hefði tapað því, en svo koma forvarnarsjónarmið líka inní umræðunna og ekki má gera lítið úr henni.

Hvað finnst fólki um þessi aldurstakmörk á þorrablót nú á ,, verum saman,, tímum, sumstaðar eru þau 16 annarstaðar 18 ára og svo eru önnur sjónarmið sjálfsagt hjá fólki í þéttbýli eða fólki til sveita.

Er Vegagerð ríkisins starfi sínu vaxin?

Þjóðvegur 1 um Borgarfjörð er nýr á þeim kafla sem hann fór í sundur, hver hannaði þennan veg?

 Veturinn í vetur er ekkert óvenjulegur eða hafa aldrei áður verið leysingar í Borgarfirði?

Var ræsið ekki bara einfaldlega altof lítið = léleg hönnun.

Það er löngu kominn tími til að leggja Vegagerð ríkisins niður.

Suðurlandsvegur, hverjir koma og hverjir fara, um veginn?

Rögnvaldur Jónsson verkfræðingur skrifar grein 6. febrúar s.l. og reynir þar að tala niður tvöföldun Suðurlandvegar og vitnar þar í mæta menn og fund Lýðheilsustofnunnar.         

        Er Vegagerð Ríkisins ekki stofnun sem á að framfylgja skipun ráðherra, af hverju halda yfirmenn vegagerðarinnar enn áfram að streitast á móti tvöföldunnar Suðurlandsvegar? Rögnvaldur og félagar telja 2+1 skynsamlegasta kostinn. Ég skil ekki hvaðan þessir 2 koma eru menn virkilega að halda að tvær akreinar öðru megin sé einhver kostur, halda menn að umferðin sé meiri á annan veginn en hinn, hvoru meginn ætli menn vilji hafa þessar tvær, um Sandskeið t.d. þar sem umferð malarflutningabíla er stöðug allann daginn og það í báðar áttir, ætla menn þá að hafa tvær akreinar þeim megin sem þeir sjálfir eru keyrandi hverju sinni? Nei ætli það, þeir sem halda 2+1 mest á lofti eru fæstir á Suðurlandsvegi og vita því nákvæmlega ekkert um hvað þeir eru að tala.     

    Á fundi á vegum Lýðheilsustofnunnar sem var haldinn í síðustu viku, svona hvattningarfundur við Vegegrð Ríkisins, kom ekkert nýtt  fram, við vissum að það tæki styttri tíma að leggja 2+1 og við vissum að það yrði eitthvað ódýrara, til styttri tíma litið, en við vitum líka að enn ódýrara er að setja bara víravirki á veginn eins og hann er núna og tekur enn styttri tíma nú eða lækka hámarkshraðann í 70 km/klst. af hverju þá að vera að vesenast með tvær akreinar öðru meginn.       

    Framkvæmdatími tvöföldunnar Reykjanesbrautar er nú notaður í umræðunni, en það er ekki með nokkrum hætti hægt að tala um seinagang framkvæmdar Reykjanesbrautar í þessu samhengi og reyna að láta líta út fyrir að svo langann tíma taki að leggja 2+2 að ekki sjái nú enn fyrir endann á þeirri framkvæmd þar, sá maður sem reynir það er ákaflega takmarkaður og ætti vegagerðin að skammast sín fyrir sinn þátt í öryggismálum þar síðustu vikur, þetta er eins og að ætla tíu manna áhöfn að sigla með 8 manna bjögunnarbát og 8 flotgalla því að það er ódýara og tekur styttri tíma að koma því um borð og myndi mögulega minka mannskaðann um 80%.   

     Banaslys og alvarleg slys sem verða við útafakstur er oftar en ekki vegna þess hve vegir hér eru alltof mjóir og fíflalega lagðir (hannaðir), það þarf engann sérfræðing til að sjá það að vegir hérlendis hafa ekki alltaf verið lagðir á besta stað eða með öryggið í fyrirrúmi heldur frekar og nánast alltaf til að halda niðri hraða, hringtorgin á Suðurlandsvegi, að hringtorgunum á Selfossi og Hellu meðtöldum, eru einmitt dæmi um slík vinnubrögð, að ég tali ekki um þann hrylling sem Ölfusárbrú er.   

    Andstæðingar tvöföldunnar reyndu líka á umræddum fundi að höfða til þingmanna okkar, en það er bara eðlilegt að þingmenn reyni að hafa áhrif á þessar framkvæmdir til þess voru þeir m.a. kosnir, en umræddur þrýstihópur eru allir íbúar Suðurlands og Austurlands, nema einn eða tveir og það er hlutverk þingmanna okkar að vinna þau verkefni sem við umbjóðendur þeirra felum þeim að vinna - það er ekki flókið.    

    Það talar enginn um að það er hægt að flýta verkefnum eins og þessu, ég mundi t.d. skora á bæjarstýru Hveragerðisbæjar að láta af andófi við Sveitafélagið Ölfus og að sjálfsögðu setja öryggið í fyrsta sæti og samþykkja og það strax, að vegurinn verði færður neðar en núverandi vegur er, það er hægt að taka af að minnsta kosti ein mislæg vegamót við það og svo hefði ég viljað að vegagerðin hætti andófi sínu við samgöngumálaráðherra og setti framtíðaröryggið í fyrsta sæti og færi nú að vinna af krafti við undirbúning  Suðurlandsvegar, sem dæmi má nefna að það tók ekki langann tíma að byggja Kárhnjúkavirkjun.     

    Það er að koma upp sú staða að við þurfum þyrlu á Suðurland, því í dag er það svo að það er ekki hægt að treysta því að sjúkrabílarnir komist á sæmilegum tíma frá Selfossi í bæinn vegna þrengsla á Ölfusárbrú og mikillar umferðar á alltof mjóum Suðurlandsvegi milli Selfoss og Hveragerðis. Sýslumaðurinn á Selfossi reyndi, mérsýnist hann vera á móti tvöfölduninni svo og öðrum bragabótum til umferðaröryggis eins og sjá má um allt Árnesþing, að sýna fram á það að ekkert mál sé fyrir bíl í forgangsakstri að fara um einföldunina í Svínahrauni og var það gert þannig að það liti vel út en þar er mikil umferð stórra bíla og hún eykst, sem geta bilað þannig að þeim verði nú ekki lagt eftir kúnstarinnar reglum, það hefur líka sýnt sig að snjór safnast í drög útfrá víravirkinu og þrengir að umferð en um leið kemur í ljós að auðveldara er að halda 2+2 vegi opnum þegar snjóar.

    Slysin voru ekki á þeim kafla sem nú er 2+1 nema við Þrengslavegamót, svo það að það hefur verið ekið um 60 sinnum á víravirkið og nánast alltaf þeim megin frá sem ein akrein er – skrítið, hlýtur að teljast aukning óhappa á þessum kafla og ekki hægt með nokkru móti að segja að þar hafi víravirkið bjargað framaná ákeyrslu því að það veit enginn neitt um það.

    Svo ef að menn hætta að tefja verkið get ég ekki betur séð en að við verðum kominn á tvöfaldann Suðurlandsveg eftir 3 til 4 ár.

Í lagi.

Þessi frásögn er í góðu lagi.

 Ég las frétt á vísi.is um þetta óhapp og þar var það hálkan sem olli og ekki nóg með það heldur saggði vitni frá því að samstæðan hafi snúist heilann hring, ég trúi því ekki vegna þess að ég get ekki séð að það sé hægt þarna.

Tankbíll rann útaf í Þrengslunum

Sáttur.

Ég er sáttur við það orðalag sem notað er hér við að segja frá óhappi og hver aðdragandi þess var.

Engan sakaði í bílveltu

Bara eðlilegt.

Hafi kallinn ætlað í var í Neskaupstað þá er það í alla staði eðlilegt að hann reyni að klöngrast á land, eða hvað?

Togari sigldi á land í Neskaupstað

Færð!!!!!!!!!!

Voru ekki fleiri bílar á ferðinni austan við Selfos í dag, því á ég bátt með að trúa. Hafi verið fleiri hvernig stendur þá á því að færðin lét þá í friði, velur færðin ákveðnar bíltegundir, liti eða ákveðna ökumenn.

Hefði viljað sjá þetta svona,, Segir lögreglan að óhöppin megi rekja til þess að ekki var ekið miðað við að færð er ekki með besta móti.

Þrjú óhöpp á svipuðum slóðum

Ég hef verið að bíða líka.

Nú hvetur Ransóknarnefnd bílslysa umferðarstofu til að nota niðurstöður úr skýrslum þeirra til áróðurs, það er fyrir löngu kominn tími til þess og hef ég oft bæði talað, hugsað og skrifað um það, mér finnst starfsmenn umferðarstofu, líkt og starfsmenn vegagerðarinnar ekki vera að vinna í vinnutímanum og oft sagt það líka og skrifað.

Ítrekar ábendingar um skaðsemi ölvunaraksturs

Eitthvað er Umferðarstofa að rumska.

Nú er Umferðarstofa að fara af stað með áróðursátak, gott mál, en afhverju í ósköpunum ekki fyrr það er laungu vitað að banaslys hafa orðið af því að fólk sofnar undir stýri það er ekkert nýtt og það er vitað af alvarlegum slysum þar sem ökumenn hafa verið að leyta að geisladiski, útvarpsrás, sígarettum, símanum ofl. ofl. afhverju hefur þetta ekki verið notað fyrr og meira og afhverju þarf að taka meira en ár að koma skýrslum út og afhverju er ekki hægt að nota niðurstöður þeirra fyrr og betur og þá ekki síst inn í ökuskólanna.

Eitt enn, þegar tafir verða á umferð vegna t.d. slyss, veðurs eða annara ástæðna virðist ekki með nokkru móti hægt að koma skilaboðum til vegfarenda og ef að skilaboð eru send í útvarpi þá eru þau oftar en ekki af skornum skammti, en það eru auglýsingar á öllum útvarpsstöðvum á 15 mínutna fresti, en það er eins og Umferðarstofa viti það ekki.