Enn er það umferðar(ó)öryggið sem truflar mig.

Ég velti fyrir mér hvort að áhugi ráðamanna fyrir umferðaröryggi sé svo mikill í raun? Ég held að um það bil 80% þeirra sem eitthvað hafa með málin að gera hafi ekki áhuga eða bara einfaldlega nenna ekki að sinna vinnunni sinni.

     Vegagerðina ætla ég að tala um í dag en sem slíka er alveg óhætt að leggja hana  niður, það dugar ein skrifstofa í samgönguráðuneytinu, því að eftir að snjóruðningar fóru að mestu í útboð eru ekki nema um það bil 20% starfsmanna vegagerðarinnar sem nenna að vinna vinnuna sína og 20% þeirra tilheyra skrifstofunum og einhverrahluta vegna eru bílar vinnuflokkana flestir þannig að það þarf einhver að sofa í þeim meirihluta dagsins, ég veit ekki afhverju. Eftirlitsmenn vegagerðarinnar keyra um vegina og “eru að skoða þá” trúi því hver sem vill. Lögreglan keyrir líka um vegina en það er nú eins og það er með hana, veit að þeir eru fáliðaðir, en samt.

  Ég keyri mikið um suðurlandið vinnu minnar vegna en þó minna nú í seinni tíð en áður, ég ætla ekki að tala um svakalega kerrudrætti um vegina eða yfirhlaðna sendi og pallbíla núna, geri það seinna.

       Enn síðustu daga hafa komið upp atriði sem eru mér hugleikin, Ræktunarsamband Flóa og Skeiða lagði yfirklæðningu á kafla á Suðurlanndsvegi sinn hvoru megin við Landvegamót og merkingarnar voru þess eðlis að mér datt í hug að tilgangurinn væri að valda slysi, vestari kaflinn var í brekku, Ásmundastaðabrekkunni veit ekki annað nafn á henni, að hluta og neðan við Hárlaugsstaðabrekkuna og var þannig merktur að þegar komið var austanfrá kom maður framá blindhæð og sá merkið, eða voru þau tvö, um það bil 30 metrum áður en inná nýlögnina kom en um leið sá maður vinnuflokkinn framundan í brekkuni. Það er vont að koma svona að vegavinnu á þjóðvegahraða á alltof mjóum vegum, þarna var bullandi slysahætta, í bakaleiðinni s.s. þegar komið var að kaflanum vestan megin frá voru merkingar heldur skárri, nokkru fleiri skilti voru þeim megin en flest þeirra voru  úti í móa og getur hver maður séð að á meðan ökumaður ekur á þjóðvegahraða á alltof mjóum vegi og sér helling af blikkljósum framundan hefur hann ekki tíma til að lesa “einhver auglýsingaskylti” úti í móa og hvar var eftirlitsmaður vegagerðarinnnar ? Mér skylst að hann þurfi ekki að vera að eyða tíma sínum í að fylgjst með þessu því að verktakar hafi reglur til að vinna eftir, það gæti nú samt þurft að hnippa í þá því að ekki trúi ég að þeir merki svæðið ílla að ásettu ráði og einhvernvegin er það nú með umferðarreglurnar, lögreglan þarf samt að vera til. Næst hringi ég hvorki í verktakann hver sem hann er,  finnst reyndar Ræktó oftast verstir með þetta, eða vegagerðina,  þeir þurfa að hvíla sig og sá sem ég ræddi við, hjá vegagerðinni, sgði bara hreint út að hann nennti ekki að tala við mig um þetta, heldur hringi bara beint í lögregluna og legg fram formlega kæru.

   Línuborun var uppi á Landvegi að bora undir afleggjarana af þjóðveginum, þar stóð á meðan stór flutningabíll á veginum “allt of mjóum” og engin blikkljós ekkert sem varaði vegfarendur við, því næst komu svo Þjótandamenn og létu sig hafa það að keyra beltagröfur bæði uppá og niður af veginum svona hér og þar og eins eftir veginum, þetta er nákvæmlega rétta leiðin til að eyðileggja vegaklæðninguna vélin brýtur kantinn sem gerir svo ekkert annað en að verða holur og svo stærri holur og einnig losar vélin grjót uppúr asfaltinu sem verður svo að holum sem verða svo bara stærri og stærri, því að um Landveg eru mikklir þungaflutningar.

   Ég ætla að nefna eitt dæmi til viðbótar en það er búið að vera að trufla mig í um 20 ár, hvernig geta myndast stórar tjarnir á veginum á móts við Kjartansstaði í Flóa í rigningum í áratugi og það sést aldrei starfsmaður vegagerðarinnar þar við að reyna að gera einhverjar ráðstafanir til að koma vatninu af veginum hvað þá að vegagerðin sjáist reyna að laga þetta varanlega, það þíðir ekkert að ipta bara öxlum og segja vegurinn sígur alltaf þarna, það flokkast undir uppgjöf eða bara einfaldlega leti og ráðaleysi.