GLEÐILEG JÓL !

Ég óska öllum gleðilegra jóla og farsæls komandi árs og þakka um leið liðið.

Ég verð að koma því að að eftir að hafa fengið hér smá mjöll kemur í ljós að það er þrammað í kringum húsið hjá mér á nóttunni, hver skildi það vera og afhverju er pakki í skónum mínum????????

Vissiða, vissiða ÉG Vissi það alltaf.

Ég vissi það að húsmæðurnar láta í skóinn, ég hef látið plata mig í öll þessi ár enn alltaf grunað fyrst mömmu og svo húsmóðurina á mínu heimili um að láta í skóinn, en annað slagið hafa komið upp þau tilfelli að ég hef verið á báðum áttum og aldrei hætt að láta skóinn útí glugga - til öryggis, var reyndar kominn upp á þann ósið að láta stígvél í glugga og hélt um daginn að ég væri kominn í feitt er ég ákvað að hætta þessari græðgi og fara aftur í skóinn þ.e. að láta skóinn í gluggann en ekki stígvélin og það einn glugga og þá sá ég jólasveina uppi á þaki besínstöðvarinnar á Leirubakka, þar sem þeir leituðu að strompi, en auðvitað vissi ég að það búa engir í besínstöðvarhúsinu enn þar sem ég er mjög latur maður að upplagi taldi ég að þeir væru bara að auðvelda sér þetta, jú lægra hús og í skjóli enn það var andsk. hvast þennan dag og ekki bara það heldur voru pottarnir hreinir hér á bæ þennan dag og gat það alveg stemmt við það að pottasleikir hafði farið um nóttina til byggða.

Ég var að lesa hvernig Inga besta http://ingabesta.blog.is/blog/ingabesta/er að klúðra uppeldinu á fyrsta barninu þeirra, eins og það sé eitthvað erfitt ég meina þetta er frumburðurinn og Steingrímur bróðir hennar telur að það sé barninu fyrir bestu að það verði af henni tekið og því komið í hans umsjón - enda á hann vélsleða og hvað sé ég þá, þar er ein húsmóðir að segja frá því hvernig hún og sonur hennar eru að makka með skómálin og viðurkennir og það fyrir alþjóð að hún hafi allann tímann látið í skóinn hans. Ég tel að við drengir sem höfum verið plataðir af fullorðnum konum alla okkar æsku verðum að bindast samtökum og athuga hver okkar réttur sé, hér er aldeilis ekki verið að tala um nokkra drengi heldur alla æsku landsins og svo virðist mér að stúlkur séu ekki gammlar þegar þær á einhvern hátt vita um plottið og gerast meðvirkar og svo sekar um að apa þetta athæfi síðar, en við drengirnir blekktir áfram og flestir fram á grafarbakkann, það er ekki víst að það séu allir að lesa síðuna hennar Ingu og halda því bara áfram að setja skóinn útí glugga í þeirri trú að jólasveinninn setji í hann.

Ég veit sossum ekki afhverju gluggarnir hér eru alltí einu hreinir að utanverðu en veit að húsmóðirin þreif þá ekki því að hún þrífur þá alla, en ekki bara neðri hlutann..........

SÁ JÓLASVEININN Í LANDSVEIT!!!!!!!!

Þá er komin niðurstaða í hugarangur mitt um jólasveininn og skóinn og það er klárt mál að það þíðir ekkert að vera með svona græðgi eins og ég var fallinn í, það á bara að láta skóinn og bara í einn glugga og það að pottarnir hér eru hreinir þíðir að einhver utanaðkomandi hefur verið á ferðinni.

Ég sá jólasveininn hann var uppi á þaki á bensínstöðinni á Leirubakka og búinn að kalla til tvo bræður þeir voru að leita að strompinum, reyndar komnir heldur langt í leitinni því ég sá ekki betur en þeir væru með þakklæðninguna í höndunum, en strompur á Leirubakka er á hótelinu og ég held að einn sé á íbúðarhúsinu líka svo þeir vaða villu karlagreyin við að standa sig og komið langt framm á dag.

Óhapp.

Þegar það rignir á framrúðuna þá getur það gleymst að þar sem jörðin er köld og í pollum eins og Ásmundastaðabrekkan er ofaní, getur myndast ísing og ísing sem rignir á er glerhál og þarf ekki mikinn hraða til að svona fari. Ég vona að það jafni sig allir fljótt og vel.

Slys verða í umferðinni og ég mundi halda að bíllinn hafi ekki verið á mikklum hraða svo það er ekki hægt að segja að þarna hafi verið neinn glannaskapur.

Enn hvort að hálkan ein olli útafakstrinum það á ég erfitt með að sjá, en samspil athyglisleysis, reynsluleysis og mjög lúnskrar hálku gæti verið ástæðan.

Umferðarslys vegna hálku

Getur einhver hjálpað mér að skilja.

        Nú er Afl, systursamtök stígamóta, á Akureyri í vandræðum, fyrir stuttu var og er enn í umræðunni, foreldrahús þar áður og er líka enn í umræðunni fjársöfnun fyrir samtök sem halda utan um geðfötluð, ofvirk og einhverf börn og stutt er í að björgunarsveitirnar kalla og á sama tíma og við ofeyðum peningakvóta í jólagjafir þá er fólk sem á ekki til hnífs og skeiðar að banka uppá hjá mæðrastyrksnefnd, heimilishjálp, hjálparstofnun kirkjunnar ofl. já og Landpítalinn að fara á hausinn.

    Ég sé ekkert að því að einstaklingar, félög, fyrirtæki og stofnanir styrki þau félög sem eru í allskonar líknar og styrktarstörfum, enn ég get ekki skilið af hverju þau félög og samtök eru ekki í betri málum núna þegar Íslendingar hafa það "allir svo gott", afhverju eru stærri fyrirtæki ekki með einhver af þessum félögum/samtökum á sinni könnu eða einhverskonar fjárlögum og afhverju setja ríki og sveitafélög ekki meiri pening í það - ég er nú ekki að tala um að allir fari að apa slíka ofrausn sem Húsavíkurbær lætur eftir sér ég er meira að tala um að menn séu raunhæfir.

    Nú erum við Íslendingar að setja enn eitt eyðslumetið á sama tíma og við kvörtum yfir háum vöxtum, sem við sáum sjálf til að yrðu hækkaðir og að verðbætur séu að ganga endanlega frá okkur efnahagslega, sem verða aldrei teknar af því að það er ekki hægt við ráðum ekki við að vera með peninga, og svo erum við öll með alltof lág laun, þau laun sem okkur er boðið eru ekki boðleg til að lifa mannsæmandi lífi. Nú eru framundan veislur þar sem við verðum að standast samanburð, börnin verða að geta borið sig vel með sínar jólagjafir og þau verða að geta lýst skreytingunum heima svo að upphæðir skýni vel, nú við verðum sjálf að koma sæmilega akandi og vonumst til að geta veifað sverasta VISA reikningnum og ef veislan er hjá okkur þá er nú lámark að fólk taki eftir því að útihurðin okkar er sú flottasta í götunni.

    Mitt í öllu góðærinu er fullt af fólki sem ekki getur haldið jól með sama slætti, það er til fólk sem ekki getur keypt og keypt því að það eru einfaldlega ekki til peningar og það getur verið að ýmsum ástæðum. Það er líka til fólk sem hefur af einhverjum ástæðum orðið undir, það er til fólk í okkar samfélagi sem þarf aðstoð líknar og styrktarfélaga það er líka til fólk sem verður fyrir barðinu á sínum nánustu, eins skrítið og það er, þessi samtök og félög leita síðan til ríkis, sveitafélaga og almennings og fæstir eru aflögufærir, á meðan Landpítalinn er að fara á hausinn hlýtur hver maður að sjá að ekki eru til peningar í svona "einangruð" mál innan heibrigðisgeiranns og á meðan bæjar og sveitarstjórnendur keppast við að láta taka af sér myndir í blöðin vegna einhvers hégómanns sem kostar svo og svo mikið þá eru ekki til tími eða peningar í málefni eins og umrædd félög og samtök eru að reyna að afla fjár til - enda engar myndir teknar við slíkar ákvarðanir og ekki er almeningur aflögufær á alltof lágum launum borgandi alltof háa vexti með verðbótum og borgandi svo sverann VISA reikning.

   Það sem ég skil ekki er, afhverju þurfa þau samtök og félög sem eru að reyna að hjálpa þeim sem virkilega eru hjálparþurfi að betla og afhverju þarf svona margt fólk að lifa eins og þau séu rík - um efni fram, hvernig er hægt að setja nýtt eyðslumet á hverju ári þar sem allir eru blankir, afhverju þurfum við að lifa eins og við séum að leika leikrit, afhverju er líf flestra Íslendinga sýndarmenska og afhverju er himininn blár ?????????

 

Veður, jólasveinn og Birta.

Jæja húsið fauk ekki enn móttökudiskurinn fyrir nettenginguna fauk, ég er með örbylgjumóttöku fyrir netið, er svona þriðjaflokksþegnn og fæ því ekki nettengingu frá Símanum eða Vodafon, ég er sum sé búinn að setja diskinn upp aftur og stilla hann.

Einn stór kostur við svona veður er að draslið í garðinum fíkur burt, en verra er að fleira en rusl er á ferðinni og eins og margir séu búnir að gleyma hvernig veður geta látið, hér á mörkum hins byggilega heims.

Það hefur komið í ljós að þó svo að ég fari snemma að sofa og slakað á græðginni þá kemur ekkert í skóinn, ég veit ekki hvað ég á að halda ég hef fengið vísbendingar um að þetta sé eitthvað skrítið, en ég er þolinmóður ég hef heyrt að Stúfur hafi átt verulega erfitt í þessu líka veðri svo við skulum sjá hvað setur.

Eins og einhverjir vita þá kom hér hvolpur sem Birta heitir fyrir stuttu og er frá þeim Akureyringum Huld og Halla og er uppeldi í fullum gangi, hún er farin að virða NEI þó kemur fyrir þegar ég hef þurft að segja NEI kannski tvisvar/þrisvar sinnum þá hefur hún sest og horft á mig með svip og gelt á mig - hún er skemmtilega þrjósk, hún kemmst ennþá út um kattalúguna svo hún hætti fyrr en ég átti von á að pissa inni enn þó hafa komið bakslög í það núna í þessum veðrum sem henni líkar hreint ekki neitt. Fyrir er stór hundur, Pjakkur, hún er 7 kg. en hann er 50 kg. í fyrstu lifði hann í þeirri von að hún væri hér tímabundið og bara í pössun, en það þekkir hann að heiman því þar er ein kisa í pössun, en nú er hann farinn að örvænta með það og er farinn að leika við hana og siða, það er mjög gaman að sjá þegar hann leggst niður við að leika við hana og eins þegar hún stekkur upp á hálsinn og bítur sig fasta og hangir þannig á honum í látunum, hún er gráðug þegar að mat kemur, þó borðar hín ekki mikið ennþá, ef að ég gef henni pulsubita, en það nota ég sem verðlaun þegar ég er að fá hana til að gera ýmislegt og ekki get ég gefið henni endalaust pulsur nema hann fái líka, hún gleypir sinn bita og ætlar svo upp í þann stóra til að ná af honum hans bita og þá er hún ekki að grínast neitt, til að byrja með svaf hún nánast ekkert á daginn það var svo mikið að gera hjá henni, en nú er hún farinn að slaka á og leggja sig á daginn. Hér eru líka tveir kettir annar þeirra stór fressköttur, skemmtilegasti köttur sem ég hef kynnst hann er í eigu dóttur minnar og hennar fjölskyldu en það er ekki hægt að hafa hann í byggð því að hann rápar á milli heimilis síns og "ömmuhúss" og er að fara inn á nokkrum stöðum á leiðinni og fá sér að éta og skiptir þá engu hvort að kettir eða hundar verða á hans vegi og urra og hvæsa hann skellir bara eyrum við og labbar áfram og étur frá þeim, en hann er geldur og við vitum ekki til þess að hann hafi migið neinstaðar inni en af hinu höfum við heyrt frá fleyri enn einum stað, þessi fresköttur hafði séð stærri hund en Birtu litlu og lét sem ekkert væri þefaði aðeins af henni nuddaði svo enninu í hana og lætur sem ekkert sé og svo er hér læða sem er undann heimilislæðunni okkar til margra ára sú var kenjótt og hafði skap og það hefur þessi litla læða líka svo þær eru ekki enn orðnar mátar enn þó er það komið á hreint hvor er með beittari klær og hvor er grimmari svo bilið á milli þeirra er minkandi. Birta er ákaflega hrifin af fresskettinum, hann heitir Legolas og sleikir hann hátt og látt, hann er mjög ánægður með alla athygli og nautnaseggur svo honum líkar það vel, hún reynir svolítið að fá hann til að ærslast enn honum líkar ekki þegar hún fer að dingla skottinu um of og enn síður þegar hún geltir líka en henni líst mjög vel á þessa stærð, hún reynir sömu aðferð við læðuna, sem heitir Malla, en þar virkar það bara alls ekki. Núna djöflast hún hér um allt hús með stígvélin mín, ég tek þau nú úr glugganum á daginn og á ýmsu er farið að sjá, en það er allt í lagi hér í efra eru bara gömul húsgögn.

Ekki skánar það nú......

Ég hef eins og kom fram hjá mér í gær, verið að reyna að átta mig á hvort að jólasveinninn sé til og hefur nú eitt og annað verið að þvælast fyrir mér í þeim efnum og ekki er nú vel skýrt hvernig þessu er háttað annarstaðar því að sumir fá en aðrir ekki, maðurinn hennar Ásdísar fær bara í skóinn þegar barnabörnin eru í pössun, óljóst er hvort að hann hafi prófað að setja skóinn út í glugga þegar þau hafa ekki verið í pössun nú eða hvort að hann noti svo litla skó að jólasveinninn sjái ekki við honum svo eru aðrir sem gerast svo gírugir að heilu vöðlurnar eru komnar útí glugga, það er nú bara græðgi ,,ég verð nú bara að segja það,, ég læt nú duga stígvélin sko, kannski að ég ætti að skipta yfir í skó getur verið að jólasveininum finnist ég vera gráðugur.

Ég var búinn að seigja að ég sjái stundum þegar jólasveinninn fer til byggða þ.e. ef að ég er ekki farinn að sofa snemma, sem ég reyni nú í þeirri von að hann komi við, ég fór sum sé út á veg í gærkvöldi og beið þangað til að sveinki kom og viti menn þarna kom þessi líka jólasería og framhjá afleggjaranum til mín, vissi það hann ætlar bara ekkert að gefa mér, nú ég elti nú bara kauða og nú skyldi það bara koma í ljós hvort að þarna væri alvöru jólasveinn á ferð, ég var nú farinn að hugsa ýmislegt sko þegar ég tók eftir því að hann stoppaði ekki við einn einasta bæ og ég náði honum ekki fyrr en í hringtorginu á Selfossi, þetta var nú bara vikurflutningabíll.

Ég verð nú bara að segja það, ég veit ekki en ég ætla að fara að sofa snemma annaðkvöld og sjá hvað gerist, fer ekki að sofa í kvöld fyrr en veðrið gengur niður, ætla að vera vitni ef að húsið fíkur.

Biðin eftir jólunum er einhvernvegin öðruvísi í dag en áður.

Lengi trúði ég að jólasveininn gæfi mér og öðrum í skóinn en í seinni tíð hef ég verið svolítið efins, ég nefnilega tók eftir að ansi oft voru einhverjir hlutir í skónum okkar sem ég hafði séð húsmóðurina kaupa alveg eins og stundum verið sendur eftir nákvæmlega samskonar hlutum og voru svo í skónum okkar að morgni.

Það var svolítið skrítið að fyrst eftir að ég fór að búa þá kom ekkert í skóinn, jú jú ég var svo sem ekkert altaf þægur, ég átti það til að nuða þangað til að nei varð að jái og sonna ég átti það líka til að drekka smá vín um helgar, en ég var ekkert svo mikið óþægur að ég ætti að hætta alveg að fá í skóinn, stundum t.d. liðu alveg nokkrar helgar að ég drakk ekkert vín og meira að segja þurfti ég stundum ekkert að nuða "ðós vör ðe deis mar", enn svo fór konan að fæða börn og það nærri látlaust um hríð og viti menn ekki var það elsta orðið mjög gamalt þegar allt í einu fór að koma ýmislegt í skóna okkar feðga og svo okkar allra eftir því sem fjölgaði í hópnum og aldur færðist yfir "ðós vör ðe deis mar" þá var sko gaman að bíða jólanna, nema ekki í skó húsmóðurinnar hún lét hann aldrei út í glugga - þetta fannst mér altaf soldið grunsamlegt.

Í seinni tíð hef ég svo verið að reyna að átta mig á þessu, fyrir nokkrum árum hætti ég svo allt í einu að fá í skóinn en lét ekki á neinu bera, var auðvitað svektur og svona en, svo fór ég að vinna þannig að ég dvaldi og dvel virku daganna að heiman svo fyrir fyrstu jólin og þar sem ég er mjög svo nærri heimahögum þeirra Grýlu, Leppalúða og sona, þá taldi ég rétt að nota mér það og lét að sjálfsögðu stígvél í hvern glugga, ég meina þeir eiga nú eftir að fara langt þegar þeir koma hér framhjá svo það gæti nú létt á þeim álagið ef að þeir gætu losað sig við smá slatta hér strax í heimasveit, en nei nei það kemur ekkert í skó.... ég meina stígvélin og samt fara þeir hér framhjá á hverju kvöldi, ég hef horft á ljósadýrðina þegar þeir fara hjá.

Ég held sko að jólasveinar séu bara ekkert til, það hefur bara alltaf verið húsmóðirin sem lét í skóinn, eða allavega þá gefa þeir sko ekkert í skóinn - held ég sko, ætli það geti verið af því að ég er ekki farinn að sofa þegar þeir fara hjá hmm, ég er allavega ekkert svo óþægur, ég hef verið að hugsa um að læðast út á veg og kíkja í kvöld þegar þeir fara til byggða, ég læt ykkur vita hvort þeir eru til þegar ég er búinn að sjá þá.

Farið hefur fé betra.

Ég þekki manninn ekki neitt persónulega, en ég er ánægður með þessa ákvörðun hans og vona að það komi áræðinn framsýnn maður með mikkla innsýn í framfarir í samgöngumálum í starf Vegamálastjóra.

Vegamálastjóri að hætta

Man.Utd.

Ég hef spáð því í allt haust að Manchester United yrði í efta sæti úrvalsdeildar eftir jólatörnina og vinna deildina í síðustu umferðinni og að anno myndi skipta um félag í janúarglugganum en það er önnur saga, ég var farinn að hafa svolitlar áhyggjur yfir því að þetta yrði ekki að veruleika, óþarfi að tapa fyrir Bolton, Arsenal er með þvílíkt skemmtilegt lið ungir sprækir strákar sem spila skemmtilegann fótbolta, annað en uppi á teningnum hefur verið undanfarin ár hjá Arsenal, líklega eitt besta lið þarna sem Arsenal hefur haft og á ennþá mjög mikkla möguleika á að berjast um titilinn, en hvað um það mínir menn eru að standa undir væntingum mínum og eiga bara eftir að verða betri í vetur.

Þetta getur maður sagt eftir að Arsenal tapaði fyrsta leiknum á þessu tímabili.